Анксиозност, љубомора, чувство на зависност, неизвесност, очајност, психолошка болка која прераснува во физичка - сето ова се елементи на опсесивна љубов, љубов која создава чувство на тескобност, мрачност, неспокојство.
Личноста која зависи од партнерот и од него очекува низ животот да ја води, е несигурна личност, која стравува од самотија. Покажува тенденција толку силно да се врзе за партнерот, така што се чувствува целосно изгубено дури и при самата помисла да остане без него.
Мислите можат чувствата да ги менуваат на различни начини. Така, се случува мислите чувствата да ги потиснат, обезвреднат, намалат, или да ги воздигнат, потенцираат, предеимензионираат. Оваа способност е резулат на постојаната мисловна активност, со која се врши анализирање, сложување, разложување, интерпретирање.